Lehraati hui raahein
Khole huye hain baahein
Yeh hum aa gaye hain kahaan

Palkon pe gehre halke
Hain reshmi dhund halke
Yeh hum aa gaye hain kahaan

Yeh hum aa gaye hain kahaan

Woh dekho zara parbaton pe ghataayein
Hamaari dastan haule se sunaayein 

Suno toh zara yeh phoolon ki vaadi
Hamaari hi koi kahaani hai sunaati

Sapnon ke is nagar mein
Yaadon ki rehguzar mein
Yeh hum aa gaye hain kahaan

Yeh hum aa gaye hain kahaan

Jo raahon mein hai rut ne sona bikhera
Sunehra hua tera mera savera

Zameen so gayi barf ki chadaron mein
Bas ek aag si jalti hai do dilon mein

Hawayein san sanayein badan kaanp jaayein         
Yeh hum aa gaye hain kahaan

Yeh hum aa gaye hain kahaan

Yeh hum aa gaye hain kahaan

Yeh barsaat bhi kab thamein kaun jaane

Tumhein mil gaye pyaar ke sau bahaane

Sitaaron ki hai jaise baaraat aayi
Hamare liye raat yun jagmagayi

Sapne bhi jhilmilayein
Dil mein diye jalayein

Yeh hum aa gaye hain kahaan

Yeh hum aa gaye hain kahaan

Yeh hum aa gaye hain kahaan